7 മണിക്ക് സ്‌ക്രീൻ കട്ട്

7 മണി മുതൽ സ്‌ക്രീൻ ടൈം ‘കട്ട്’ പറഞ്ഞ് മഹാരാഷ്ട്രയിലെ ഗ്രാമം

മുംബൈ: വൈകിട്ട് 7 മണിയാകുമ്പോൾ മൊബൈൽ ഫോൺ, ടിവി, ടാബ്ലറ്റ് തുടങ്ങിയ സ്‌ക്രീൻ ഉപകരണങ്ങൾ ഉപയോഗിക്കുന്നത് നിയന്ത്രിക്കുന്ന വ്യത്യസ്തമായ തീരുമാനവുമായി മഹാരാഷ്ട്രയിലെ ഒരു ഗ്രാമം. കുട്ടികളുടെ മാനസിക–ശാരീരിക വളർച്ചയെ മുൻനിർത്തിയാണ് ഗ്രാമസഭ ഈ തീരുമാനം കൈക്കൊണ്ടത്.

കുട്ടികൾ അമിതമായി മൊബൈൽ ഫോണുകളും ഡിജിറ്റൽ ഉപകരണങ്ങളും ഉപയോഗിക്കുന്നത് പഠനത്തെയും ആരോഗ്യത്തെയും പ്രതികൂലമായി ബാധിക്കുന്നതായി കണ്ടെത്തിയതോടെയാണ് നടപടി. ഇതോടെ വൈകിട്ട് 7 മുതൽ ഗ്രാമത്തിലെ വീടുകളിൽ സ്‌ക്രീൻ ഉപയോഗം നിയന്ത്രിക്കപ്പെടും.

ഈ സമയത്ത് കുട്ടികൾ കുടുംബത്തോടൊപ്പം സമയം ചെലവഴിക്കണം, പുസ്തകവായന, കളികൾ, പഠനം തുടങ്ങിയ കാര്യങ്ങളിൽ ശ്രദ്ധ കേന്ദ്രീകരിക്കണം എന്നതാണ് ലക്ഷ്യം. ഡിജിറ്റൽ ഉപകരണങ്ങളിൽ നിന്ന് അകലം പാലിക്കുന്നത് കുട്ടികളുടെ കണ്ണുകളുടെ ആരോഗ്യത്തിനും മാനസിക സമാധാനത്തിനും ഗുണകരമാണെന്ന് ഗ്രാമസഭ വിലയിരുത്തുന്നു.

ഗ്രാമത്തിലെ രക്ഷിതാക്കളും അധ്യാപകരും ഈ തീരുമാനത്തെ പിന്തുണച്ചിട്ടുണ്ട്. കുട്ടികളുടെ ഭാവി സുരക്ഷിതമാക്കുന്നതിനുള്ള ഒരു മാതൃകാ നടപടിയായാണ് ഈ തീരുമാനം കണക്കാക്കപ്പെടുന്നത്. മറ്റ് പ്രദേശങ്ങളും ഇതുപോലുള്ള നിയന്ത്രണങ്ങൾ പരിഗണിക്കണമെന്ന ആവശ്യം ഉയരുന്നുണ്ട്.

> കുട്ടികൾക്കിടയിലെ ഫോൺ ഉപയോഗം കുറയ്ക്കുന്നതിനായി വൈകിട്ട് 7 മണിയാകുമ്പോൾ ഫോണിനും ടെലിവിഷനും കർഫ്യൂ പ്രഖ്യാപിച്ച മഹാരാഷ്ട്രയിലെ ഗ്രാമം?

ബീഡ് ജില്ലയിലെ നാഗാപൂർ ഗ്രാമം 

For All India Current Affairs (Date Wise ) : Click Here 

ഇൻഡ്യയൊട്ടാകെയുള്ള ഏറ്റവും പുതിയ വിവരങ്ങൾക്കയി മുകളിൽ കൊടുത്ത ലിങ്ക് ക്ലിക്ക് ചെയ്യുക